Міжнародныя рэзервы Украіны складаюць $46,5 млрд

• 8.10.2025, 5:34

Гэта амаль рэкорд.

Міжнародныя рэзервы Украіны па стане на 1 кастрычніка 2025 года склалі $46,5 млрд, што на 1,1% больш, чым у папярэднім месяцы, паведаміў НБУ на сваім сайце.

Рост абумоўлены паступленнямі ад міжнародных партнёраў на фоне змяншэння аб'ёмаў чыстага продажу валюты Нацыянальным банкам на валютным рынку на 15% — да $2,28 млрд.

На валютныя рахункі ўрада ў НБУ ў верасні паступіла $2,9 млрд. У прыватнасці, 10 верасня Украіна атрымала ад Еўрапейскага саюза восьмы транш у межах ініцыятывы G7 Extraordinary Revenue Acceleration for Ukraine (ERA) на $1,17 млрд.

Яшчэ $1,43 млрд Украіна атрымала праз Сусветны банк, а $298,4 млн — ад продажу дзяржаўных аблігацый.

У той жа час Украіна выплаціла $563,6 млн за абслугоўванне дзяржаўнага доўгу ў замежнай валюце і асобна 254,4 млн — па даўгах перад Міжнародным валютным фондам.

У верасні, у параўнанні з папярэднім месяцам, чысты продаж валюты па аперацыях Нацыянальнага банка скараціўся на 15% — да $2,9 млрд.

Па ацэнках НБУ, цяперашні аб'ём міжнародных рэзерваў забяспечвае фінансаванне 5,1 месяца будучага імпарту, што з'яўляецца дастатковым для захавання ўстойлівасці валютнага рынку Украіны.