Ватыкан абвясціў пра першую замежную паездку Папы Рымскага

• 8.10.2025, 4:29

Візіт запланаваны на лістапад.

Папа Рымскі Леў XIV у канцы гэтага года здзейсніць сваю першую замежную паездку, наведаўшы Турцыю і Ліван, паведамляе афіцыйны партал Святога Пасаду Vatican News.

Апостальскі візіт у Турцыю запланаваны на 27–30 лістапада і будзе ўключаць пілігрымку ў Нікею, прымеркаваную да 1700-годдзя Першага Усяленскага сабору.

З 30 лістапада па 2 снежня пантыфік будзе знаходзіцца ў Ліване па запрашэнні мясцовых дзяржаўных і царкоўных уладаў. Падчас паездкі чакаецца, што Леў XIV выступіць з прамовай, прысвечанай становішчу хрысціян на Блізкім Усходзе.