Вядучы амерыканскага ток-шоу апынуўся больш папулярным за Трампа

• 7.10.2025, 18:34

Адрыў аказаўся істотным.

Апытанне, праведзенае The Economist і YouGov, паказала, што прэзідэнт ЗША Дональд Трамп адстае ў рэйтынгу папулярнасці на 16 пунктаў у параўнанні з вядучым вячэрняга шоу Амерыкі Джымі Кіммелам. Пра гэта піша The Guardian.

Апытанне, у якім узялі ўдзел 1656 дарослых жыхароў Амерыкі, было праведзена пасля часовага адстаранення вядучага ток-шоу ад эфіру з-за сваркі з адміністрацыяй прэзідэнта.

Рэспандэнтам, у прыватнасці, было зададзена пытанне — ці станоўча яны ставяцца да Кіммела і Трампа.

У выніку Кіммел падняўся на 3 пазіцыі ў рэйтынгу, а Трамп апусціўся на 13 пазіцый. Адрыў аказаўся істотным — 16 пунктаў.