Сынам Пуціна і Кабаевай прысвоілі прозвішча прыкрыцця

• 7.10.2025, 15:15

Яны звязаныя з імем па бацьку дзеда па бацькоўскай лініі.

Два сыны кіраўніка Крэмля Уладзіміра Пуціна і гімнасткі Аліны Кабаевай атрымалі прозвішчы прыкрыцця і аформлены ў дакументах як Іван і Уладзімір Спірыдонавы, пішуць журналісты Раман Баданін і Міхаіл Рубін у кнізе «Цар уласнай персоны», паведамляе «Агенцтва».

Прозвішча прыкрыцця, відаць, звязанае з імем па бацьку дзеда па бацькоўскай лініі — Уладзіміра Спірыдонавіча Пуціна.

Пад выдуманымі прозвішчамі жывуць і дочкі расійскага дыктатара ад першага шлюбу — Кацярына Ціханава і Марыя Варанцова. Прозвішча Ціханавай, хутчэй за ўсё, паходзіць ад імя па бацьку Кацярыны Шкрэбневай, бабулі па маці.

Як Лізавета Алегаўна Руднава у Францыі жыла пазашлюбная дачка кіраўніка — Лізавета Розава. Алег Рудноў — памерлы ў 2015 годзе пецярбургскі медыяменеджар і даўні сябра Пуціна.

Пуцін і Кабаева з двума сынамі праводзяць значную частку часу ў Валдайскай рэзідэнцыі прэзідэнта. Для Кабаевай, яе нашчадкаў і абслугі там пабудаваны асобны драўляны палац, спа-цэнтр, зона дзіцячага адпачынку і маштабны парк, пісаў «Праект».

Часам Іван і Уладзімір усё ж з'яўляюцца на людзях, дзякуючы чаму ўдалося атрымаць іх фатаграфіі.