У Інданезіі леапард уцёк з заапарка ў гатэль у адным з самых папулярных турыстычных гарадоў

• 7.10.2025, 1:36

Відэа.

У гатэлі Anugerah у горадзе Бандунг (Інданезія) знайшлі леапарда, які, верагодна, збег з заапарка. Пра гэта 6 кастрычніка паведаміла Antara.

Супрацоўнікі гатэля заўважылі жывёлу на другім паверсе каля 7:00 і адразу выклікалі паліцыю. Для затрымання драпежніка прыцягнулі спецыялістаў, якія выкарысталі транквілізатары і сеткі.

Праз амаль дзве з паловай гадзіны леапарда абязрухавілі, змясцілі ў жалезную клетку і спусцілі на першы паверх, пасля чаго транспартавалі ў бяспечнае месца.

Паводле папярэдніх звестак, жывёла магла збегчы з Lembang Park and Zoo у Заходнім Бандунгу. Начальніца паліцыі Сукасары Ні Ваян Мірасні дапусціла, што гэты леапард мог быць тым, які калісьці збег з каранціннага вальера.

Падчас аперацыі гатэль часова ачапілі дзеля забеспячэння бяспекі гасцей і мясцовых жыхароў.

Паводле detikcom, жывёла збегла з вальера 25 жніўня.

Навуковы часопіс Indonesian Journal of Applied Business and Research назваў Бандунг адным з самых папулярных сярод турыстаў накірункаў у Інданезіі.