Эпідэміёлаг: Новы COVID «Стратус» ёсць у Беларусі

• 6.10.2025, 21:39

У апошнія некалькі тыдняў выяўлена цыркуляцыя гэтага віруса.

Пра бягучую сітуацыю з захваральнасцю ў Беларусі ў эфіры тэлеканала СТВ паведаміла намесніца галоўнага ўрача па эпідэміялогіі Рэспубліканскага цэнтра гігіены, эпідэміялогіі і грамадскага здароўя Ала Дашкевіч.

Яна падкрэсліла, што ў цяперашні час у Беларусі не зафіксавана выпадкаў захворвання на ліхаманку чыкунгунья.

— А каранавірусная інфекцыя і цыркуляцыя варыянта «Стратус» — так. У апошнія некалькі тыдняў выяўлена цыркуляцыя гэтага віруса, — сказала спецыялістка.

Ала Дашкевіч растлумачыла, што «Стратус» з’яўляецца адным з варыянтаў «амікрона», які ўжо даволі даўно фіксуецца ў Беларусі.