Амерыканец выканаў абяцанне, якое даў украінцам перад боем супраць расіяніна ў UFC

• 6.10.2025, 13:51

Відэафакт.

Мінулымі выхаднымі ў Лас-Вегасе адбыўся турнір UFC 320, дзе ў межах галоўнага карда амерыканскі баец Джо Пайфер (15−3) сустрэўся з Абусам Магамедавым (28−7) з Расіі, піша New Voice.

Перад паядынкам 29-гадовы прадстаўнік ЗША запісаў відэазварот для ўкраінцаў. Падобна, што Джо сябруе з байцом MMA Ягорам Касцючанкам, які і распавёў, што ў баі супраць расіяніна ён будзе мець моцную падтрымку ад фанатаў з Украіны.

«Усім прывітанне! Я тут са сваім сябрам Ягорам Касцючанкам. Ён сказаў, што ў мяне шмат фанатаў ва Украіне. Не прапусціце мой галоўны бой супраць Магамедава — вельмі майстэрскі хлопец, але веру, што ў мяне ёсць усё неабходнае. Далучайцеся, каб убачыць, як я яму ўчыню сапраўднае пабоішча. Паехалі!», — заявіў Пайфер.

У рэшце рэшт амерыканец выканаў сваё абяцанне і ўчыніў вар'яцкую бойку ў актагоне. Спачатку Пайфер, які валодае нокаўтавальнай сілай, магутным ударам адправіў Магамедава ў накдаўн, а потым вырашыў перайсці да барацьбы. У другім раўндзе Джо, урэшце, прымяніў удушальны прыём, прымусіўшы расіяніна здацца.