Расіяне ўдарылі беспілотнікам па радзільні ў Сумах

• 6.10.2025, 12:49

На момант атакі ў установе знаходзіліся 166 чалавек, у тым ліку 11 дзяцей.

У панядзелак, 6 кастрычніка, у выніку расійскага ўдару загарэўся дах Перынатальнага цэнтра ў украінскім горадзе Сумы. Пра пацярпелых і загінулых не паведамляецца.

Кіраўнік Офіса Прэзідэнта Украіны Андрэй Ермак паведаміў, што на момант атакі ўнутры знаходзіліся: 11 дзяцей, 35 пацыентак, 120 працаўнікаў.

«Усім удалося спусціцца ў сховішча. Абстрэл працягваецца», — паведаміў ён.

Кіраўнік Сумскай ОВА Алег Грыгораў удакладніў, што расіяне прыцэльна ўдарылі беспілотнікам па будынку медыцынскай установы ў Каўпакоўскім раёне Сумаў.

На момант атакі ў установе знаходзіліся 166 чалавек, у тым ліку 11 дзяцей.