Пуцін «гуляе па буфеце»

• Віктар Шэндэровіч
• 6.10.2025, 10:53

Гэтага матылька ў мінулым ужо не раздавіш.

Новая кроў, новыя разбурэнні. Пуцін «гуляе па буфеце».

А ў мяне чарговы прыступ лютага бяссілля, і зноў хочацца ўзяць за грудкі і трасці — не Пуціна, не, а тых мілых «сістэмных» паноў, якія два дзесяцігоддзі запар называлі мяне «демшизой» і круцілі пальцамі ля скроні.

— У цябе да Пуціна нешта асабістае, — брыдліва паціскала плячыма адна ліберальная гранд-дама…

Усё больш і больш асабістае, так.

І каб хоць хто-небудзь з іх сёння не тое каб выбачыўся, а хоць бы сказаў: так, мы цяжка памыліліся. Нас развялі, як лахоў, нас купілі танна (ці не танна), нас выкарыстоўвалі…

Гэтага матылька ў мінулым ужо не раздавіш: усё адбылося, як адбылося. Але ад дакладнай сённяшняй рэфлексіі, можа, нешта палепшылася б у будучыні.

На жаль, не ў самым бліжэйшым.

Пакуль што — крывавы выродак, вырашчаны нашымі сумеснымі (з калектыўным Захадам) намаганнямі, цалкам беспакарана гуляе па буфеце…

І пакаранне прыйдзе — на жаль, хутчэй за ўсё, не да яго, а да нашых унукаў.

Віктар Шэндэровіч, Facebook