Магутны пажар: ЗСУ ўдарылі па НПЗ у Феадосіі

• 6.10.2025, 9:49

Таксама БПЛА атакавалі аэрадром «Сакі».

У ноч на 6 кастрычніка ў розных раёнах часова акупаванага Крыму быў чутны шэраг магутных выбухаў. Верагодна, гарыць нафтабаза ў Феадосіі.

Пра гэта паведамляюць мясцовыя Telegram-каналы, у тым ліку «Крымскі вецер».

Паводле звестак відавочцаў і мясцовых паблікаў, спачатку паведамлялася пра атаку беспілотнікаў на ваенны аэрадром «Сакі», дзе размяшчаюцца самалёты расійскай авіяцыі.

Пазней у сацсетках з’явілася інфармацыя пра шматлікія выбухі ў Сімферопальскім раёне, а таксама пра сірэны паветранай трывогі ў ваенных частках Севастопаля.

Далей мясцовыя крыніцы паведамлялі пра выбухі ў Еўпаторыі, Феадосіі і паблізу аэрадрома Кача.