У Капыльскім раёне згарэў дом

• 5.10.2025, 16:20

Загінулі двое мужчын.

У Капыльскім раёне падчас пажару загінулі два чалавекі, паведамілі ў прэс-службе Следчага камітэта.

Здарэнне адбылося раніцай 5 кастрычніка ў вёсцы Сунаі. Пры ліквідацыі пажару ў прыватным доме работнікі МНС выявілі целы двух мужчын: меркавана, гаспадара дома і яго знаёмага. Абодва — 1992 года нараджэння.

Па звестках следства, дом выкарыстоўваўся як дача. Напярэдадні мужчыны прыехалі ў вёску, працавалі і адпачывалі на ўчастку.

Разглядаецца некалькі версій узнікнення пажару, сярод якіх парушэнне правілаў эксплуатацыі пячнога абсталявання і кароткае замыканне электраабсталявання.

Следчыя праводзяць праверку па дадзеным факце.