У Беларусі паскорылі перанос мабільных нумароў паміж аператарамі

• 5.10.2025, 15:52

З сённяшняга дня.

Беларусы змогуць хутчэй змяніць аператара, захаваўшы свой нумар і не страціўшы сувязь. З 5 кастрычніка ў Беларусі ўступілі ў сілу змены ў Правілы аказання паслуг электрасувязі, якія спрасцілі і паскорылі працэс пераносу мабільнага нумара да іншага аператара.

Галоўная навіна датычыцца тэрмінаў: калі абанент звяртаецца да аператара з заявай аб пераносе нумара да 14:00, нумар павінен быць перанесены да заканчэння гэтых сутак.

Калі ж заява пададзена пасля 14:00, аператар мае права апрацаваць яе на працягу не больш за 24 гадзіны — як гэта дзейнічала раней.