Беларус Ілля Шкурын аддаў выніковую перадачу ў чэмпіянаце Польшчы
- 31.10.2025, 23:15
У ягонай каманды трэцяя перамога запар.
«Катовіцы» упэўнена абыграў «Тэрмаліку» ў 14-м туры чэмпіянату Польшчы па футболе.
Тэрмаліка — Катовіцы — 0:3 (Клеменц, 13, Маркавіч, 76, 89).
Беларускі нападнік Ілля Шкурын пачаў гульню на лаўцы запасных, а выйшаў на 62-й хвіліне, калі ягоная каманда ўжо вяла з мінімальным лікам.
Пры ўдзеле Шкурына быў забіты апошні гол гасцей. Ён аддаў выніковую перадачу Эману Маркавічу, які аформіў дубль.
«Катовіцы» дзякуючы серыі з трох перамог падняўся на 10-ю пазіцыю ў табліцы польскай Д1.