«Белтэхагляд» вырашыў зрабіць падарунак для кіроўцаў

• 31.10.2025, 6:02

Але дзейнічаць ён будзе толькі адзін дзень.

«Белтэхагляд» абвясціў акцыю на 6 лістапада — у гэты дзень прайсці тэхагляд можна будзе са зніжкай 50%. Пра гэта паведамляецца на сайце арганізацыі.

«6 лістапада 2025 года (у чацвер напярэдадні доўгіх выходных) на дыягнастычных станцыях прадпрыемства (спіс прыкладаецца) будзе дзейнічаць зніжка 50% на дзяржаўны тэхнічны агляд для ўсіх тыпаў транспартных сродкаў фізічных асоб», — паведамілі ў арганізацыі і папярэдзілі, што гэты рабочы дзень будзе скарочаны на 1 гадзіну.

Акцыя будзе дзейнічаць на некаторых дыягнастычных станцыях. Іх спіс можна паглядзець на сайце арганізацыі. Сярод іх — станцыі ў Гродне, Магілёве, Брэсце, Віцебску, Бабруйску, Слуцку, Астраўцы і яшчэ ў некаторых іншых гарадах.

Раней «Белтэхагляд» у канцы кастрычніка ўжо праводзіў падобную акцыю да Дня аўтамабіліста і дарожніка.