На беларускім аўтарынку з'явілася навінка

• 30.10.2025, 22:55

Кросовер Deepal S05 абнавілі.

У Мінску прэзентавалі абноўленую версію электрычнага кросовера Deepal S05. Пра гэта паведамляе кампанія «Лозанж» — афіцыйны дыстрыб'ютар у Беларусі аўтамабіляў кітайскага аўтаканцэрна Changan.

Кросовер Deepal S05 2026 мадэльнага года мае шэраг адрозненняў: магутнасць вырасла з 238 да 272 к.с., а крутоўны момант — да 320 Нм, запас ходу павялічыўся з 510 да 520 км. Акрамя гэтага, S05 у новай мадыфікацыі разганяецца да 100 км/гадз за 6,28 секунды.

S05 створаны на электрычнай платформе з заднім прывадам, запас энергіі батарэі складае 56,12 кВт·г. Габарыты S05 наступныя: даўжыня — 4620 мм, шырыня — 1900 мм, вышыня — 1600 мм, колавая база — 2880 мм.

Цэны на тыя варыянты Deepal S05, якія цяпер ёсць у продажы, пачынаюцца ад 65,9 тысячы рублёў.