Tesla пачне прадаваць даступныя аўтаномныя домы

• 30.10.2025, 19:33

Названая цана.

Амерыканская кампанія Tesla ў наступным годзе пачне продаж даступных аўтаномных дамоў плошчай 76 квадратных метраў па цане $7789. Аб гэтым у сацсетцы X паведаміў заснавальнік кампаніі Ілон Маск, прадставіўшы праект Tesla Tiny House.

Модульнае жыллё пастаўляецца ў гатовым выглядзе і не патрабуе працяглага будаўніцтва. Дом абсталяваны сонечнымі панэлямі, акумулятарнай сістэмай захоўвання энергіі і інтэлектуальным кіраваннем мікракліматам, што забяспечвае поўную аўтаномнасць ад традыцыйных камунальных сетак.

Унутраная прастора ўключае гасціную, кухню, санвузел і спальныя зоны, што робіць дом паўнавартасным жылым памяшканнем.

Праект пазіцыянуецца як рашэнне праблемы недахопу даступнага жылля ў ЗША. Аднак эксперты адзначаюць, што канчатковы кошт можа апынуцца вышэй за заяўлены з-за выдаткаў на дастаўку, падключэнне і юрыдычнае афармленне. Таксама застаюцца пытанні адносна даўгавечнасці аўтаномных сістэм пры пастаяннай эксплуатацыі.