Ізраільская кампанія прыдумала, як астудзіць планету

• 30.10.2025, 7:33

У чым сутнасць канцэпцыі.

Ізраільска-амерыканскі стартап Stardust Solutions атрымаў фінансаванне ў памеры 60 мільёнаў долараў для распрацоўкі методыкі штучнага астуджэння планеты, якая пакутуе ад глабальнага пацяплення. Пра гэта паведамляе выданне Futurism.

Канцэпцыя палягае ў распыленні аэразольных часцінак у атмасферы з дапамогай самалёта або метэазонда. Сабраныя сродкі сталі найбуйнейшым фінансаваннем для кампаніі ў гэтай сферы, сярод інвестараў — венчурныя капіталісты з Крамянёвай даліны і найбуйнейшыя акцыянеры Ferrari і футбольнага клуба «Ювентус».

Генеральны дырэктар Stardust, былы галоўны фізік пры ўрадзе Ізраіля Янай Йедваб, прызнае, што тэхналогія «кіравання сонечнай радыяцыяй» не вырашыць усіх праблем, і экстрэмальныя пагодныя з’явы захаваюцца. Адзначаецца таксама, што праект з’яўляецца прыватнай ініцыятывай, што выклікае пэўныя пытанні кіравання і кантролю. Стартап плануе правесці кантралюемыя эксперыменты з выкарыстаннем мадыфікаванага самалёта ў 2026 годзе.

Крытыкі ідэі ўказалі на праблемы з кіраваннем праектамі геаінжынерыі і магчымую шкоду экалогіі, у той час як прыхільнікі падкрэсліваюць неабходнасць дзеянняў ва ўмовах нарастаючага кліматычнага крызісу.