ЗСУ ліквідавалі камандзіра расійскай брыгады «Пятнашка»

• 3.10.2025, 21:21

Яго абвінавачвалі ў ваенных злачынствах.

На вайне з Украінай загінуў Батал Бігвава («Балу») — камандзір інтэрнацыянальнай брыгады «Пятнашка», якая ваюе на баку Расіі.

Яго пахаванне 1 кастрычніка ў непрызнанай Абхазіі наведаў «прэзідэнт» Бадра Гунба, пішуць мясцовыя СМІ.

«Пятнашка» — узброенае фарміраванне, якое з 2014 года ваявала на баку сепаратыстаў, якіх падтрымлівае Расія, на ўсходзе Украіны. Яе ўдзельнікаў абвінавачваюць у шэрагу цяжкіх злачынстваў: марадзёрстве, выкраданнях, катаваннях украінскіх ваеннапалонных.