Мінскі «Камволь» спыніўся і назапасіў мільённыя даўгі

• 3.10.2025, 19:45

Пра праблемы на прадпрыемстве заявіў Лукашэнка.

Мінскі вытворца тэкстыльнай прадукцыі «Камволь» не працуе, у прадпрыемства назапасіліся даўгі на 200 млн рублёў. Пра гэта на нарадзе па развіцці птушкагадоўчай галіны 3 кастрычніка заявіў Лукашэнка.

«Каб не атрымалася так, як з «Камволем». Калісьці я непасрэдна займаўся гэтым «Камволем», і грошай уклалі нямала, парадак, нібыта, навялі. Нават Аляксандр Мікалаевіч Косінец там хадзіў па гэтым прадпрыемстве. Сёння, аказваецца, не працуе. Больш за тое, назапасілі даўгоў на больш як 200 мільёнаў рублёў», — сказаў Лукашэнка.

Варта адзначыць, што пра праблемы на прадпрыемстве стала вядома яшчэ ў 2024 годзе.