У Беларусі чакаецца пацяпленне да +17 градусаў

• 3.10.2025, 17:24

Уначы прахалодна, але ўдзень стане больш камфортна — асабліва на паўднёва-ўсходзе.

Месцамі па краіне пройдуць невялікія дажджы. Прагназуецца вецер усходні, паўднёва-ўсходні, уначы — слабы, удзень — ад слабога да ўмеранага.

Уначы тэрмометры пакажуць 1–6 градусаў са знакам «плюс», месцамі на паўночным захадзе краіны чакаюцца замаразкі ад 0 да -2 градусаў. Удзень паветра прагрэецца да +10...+15 градусаў, на паўднёва-ўсходзе Беларусі чакаецца да 17 градусаў цяпла.

У наступныя дні Беларусь апынецца пад уплывам франтальных раздзелаў, якія перамяшчаюцца з тэрыторыі Украіны і Польшчы. Чакаецца пераважна воблачнае надвор'е.

У нядзелю на большай частцы тэрыторыі краіны пройдуць кароткачасовыя дажджы. Удзень тэмпература паветра складзе 8–14 градусаў вышэй за нуль, на паўднёва-ўсходзе Беларусі прагназуюць да 16 градусаў цяпла.