Стала вядома, чаму беларускія кіроўцы часцей за ўсё не праходзяць тэхагляд

• 3.10.2025, 21:00

Цікавая статыстыка.

У «Белтэхаглядзе» расказалі, якія няспраўнасці часцей за ўсё знаходзяць у транспартных сродках. Сярод лідараў — праблемы з тармазамі.

У верасні фізічныя асобы атрымалі 114 042 дазволаў на допуск транспарту да ўдзелу ў дарожным руху (83,3% ад агульнай колькасці).

«З агульнай колькасці транспартных сродкаў, прад'яўленых у верасні на дзяржаўны тэхнічны агляд, 13,5% транспартных сродкаў (20 138) мелі рознага характару неадпаведнасці ўстаноўленым патрабаванням (29 616 неадпаведнасцяў)», — паведамляе «Белтэхагляд».

Праблемы з тармазамі склалі 41,4% ад усіх няспраўнасцяў, з вонкавымі светлавымі прыборамі — 25,2%.