Далёкасяжныя дроны СБУ паразілі адзін з вядучых расійскіх НПЗ

• 3.10.2025, 14:22

Праляцелі 1400 км.

Сёння, 3 кастрычніка, далёкасяжныя дроны СБУ паразілі адзін з вядучых расійскіх нафтаперапрацоўчых заводаў. Ідзе пра «Орскнефтеоргсинтез», што знаходзіцца за 1400 км ад Украіны.

Пра гэта паведамляе РБК-Украіна са спасылкай на крыніцы.

Паводле звестак крыніцы, ударныя далёкасяжныя беспілотнікі ЦСО «А» СБУ чарговы раз паразілі мэту на адлегласці 1400 км — гэтым разам у населеным пункце Орск.

«Хлопок» гарэў на нафтаперапрацоўчым заводзе «Орскнефтеоргсинтез» у Арынбургскай вобласці РФ. На гэтым НПЗ працуюць чатыры ўстаноўкі першаснай перапрацоўкі нафты, яго магутнасць — 6,6 млн тон нафты на год.

Як патлумачыла крыніца, завод выпускае каля 30 відаў рознай прадукцыі: аўтабензіны, дызельнае паліва, алеі, авіякерасін, бітум, мазут.

На відэа відаць, як пасля прылётаў беспілотнікаў ЦСО «А» СБУ над НПЗ падымаюцца слупы чорнага дыму. На заводзе абвясцілі эвакуацыю, а мясцовыя ўлады Орска заклікалі не паддавацца паніцы.

«СБУ працягвае наносіць сур'ёзную шкоду расійскай эканоміцы, адпрацоўваючы па аб'ектах нафтагазавай прамысловасці РФ. Скарачэнне паступленняў нафтадолараў у бюджэт непасрэдна ўплывае на здольнасць агрэсара працягваць вайну супраць Украіны», — гаворыцца ў паведамленні.

Інфармаваная крыніца ўдакладніла, што амаль 40% магутнасцяў расійскіх НПЗ ужо прастойваюць. Будзем і надалей працаваць над тым, каб павялічыць гэтую лічбу.

Нагадаем, Украіна ўлетку 2025 года аднавіла ўдары па расійскіх НПЗ і нафтаправодах. Зладжаная праца сілаў СБУ і ССО, а таксама ГУР і СБС, сумарна выбіла каля 20% нафтаперапрацоўкі ў Расіі, што прывяло да паліўнага крызісу і праблем з лагістыкай.