Пуцінскі спявак Алег Газманаў можа перастаць хадзіць

• 29.10.2025, 20:15

Лекары паставілі дыягназ.

Спеваку-пуціністу Алегу Газманаву лекары паставілі дыягназ «коксартроз», піша тэлеграм-канал Mash.

Гэта захворванне звязанае з разбурэннем храстковай тканкі тазасцегнавага сустава.

Паводле наяўнай інфармацыі, 74-гадовы артыст звярнуўся да медыкаў праз болі ў паясніцы і назе.

Пасля абследавання спецыялісты выявілі захворванне, якое ў запушчанай форме можа прывесці да поўнай страты рухомасці.

Цяпер майстру спорту па гімнастыцы раяць адмовіцца ад актыўных нумароў.

Лекары ўпэўненыя, што фізічная нагрузка справакавала абвастрэнне хваробы.

А зусім нядаўна па сетцы блукаў трэнд фармату «не хачу вытачаную фігуру / $1 млн / Bentley…, хачу калені, як у Газманава».

Адна з яго старых песень завірусілася ў Tik-Tok, відэа здымалі сотні людзей. Трэнд дабраўся нават да Мінабароны Беларусі.