Зяленскі запрасіў прэзідэнта Аргенціны ва Украіну

• 29.10.2025, 20:11

Прэзідэнт Украіны правёў тэлефонную размову з Хав'ерам Мілеем.

Прэзідэнт Украіны Уладзімір Зяленскі правёў тэлефонную размову з прэзідэнтам Аргенціны Хав'ерам Мілеем і запрасіў яго наведаць Кіеў.

Пра гэта паведамляе Telegram прэзідэнта Украіны.

Зяленскі павіншаваў Хав'ера з перамогай яго партыі на парламенцкіх выбарах.

Украінскі прэзідэнт адзначыў, што Аргенціна шмат робіць, каб дасягнуць поспеху і быць моцнай, і пажадаў, каб і надалей удавалася рэалізоўваць усе неабходныя рэформы.

«Запрасіў спадара прэзідэнта прыехаць ва Украіну, каб працягнуць наш дыялог і абмеркаваць усе ключавыя перспектывы развіцця адносін паміж нашымі краінамі. Сапраўды шмат праектаў можам рэалізаваць разам. Нашы каманды будуць на сувязі», — дадаў ён.