У РФ туалетную паперу з выявай тысячы рублёў прызналі такой, што абражае пачуцці вернікаў

• 29.10.2025, 19:56

Суд Масквы палічыў бытавы прыкол такім, што супярэчыць духоўна-маральным каштоўнасцям.

У Расіі забаранілі прадаваць туалетную паперу з выявай тысячы рублёў. Пра гэта паведаміў Telegram-канал «112».

Паводле звестак журналістаў, такое рашэнне прыняў адзін з судоў Масквы. Ён прызнаў забароненай інфармацыю, размешчаную на туалетнай паперы з тысячарублёвымі банкнотамі.

Прычынай забароны гэтага бытавога прыколу стала выява на паперы помніка князю Яраславу Мудраму. Выкарыстанне яго на туалетнай паперы палічылі такім, што абражае пачуцці вернікаў і супярэчыць духоўна-маральным каштоўнасцям.

У ліпені 2024 года Пераабражэнскі раённы суд Масквы ўжо выносіў пастанову аб забароне асобнай аб’явы аднаго з інтэрнэт-крам, што гандлююць паперай з выявай тысячарублёвай купюры. Тады суд таксама пагадзіўся з тым, што тавар абражае пачуцці вернікаў, і прыняў рашэнне аб забароне доступу да старонкі тавару. Аднак гэта не перашкодзіла тавару распаўсюдзіцца на іншых гандлёвых інтэрнэт-пляцоўках.