У Мінску на турнір па тэнісе прама пасярод матчу ўварваўся спецназ

• 29.10.2025, 19:29

Гледачы, якія глядзелі матчы анлайн, убачылі, як ставяць да сцяны суддзяў і тэнісістак.

У Мінску на аматарскі турнір па тэнісе прама пасярод матчу ўварваўся спецназ.

Затрыманне тэнісістак і суддзяў нажывую маглі назіраць анлайн-гледачы аматарскага турніру па тэнісе 1xbet. На відэа можна ўбачыць, як спецназаўцы забягаюць у залу, ставяць да сцяны суддзяў і спартсменак.

У тытрах бачныя імёны рэальных беларускіх тэнісістак Ганны Сергель і Марыі Савіцкай.