У Беларусі вырасце бюджэт пражытковага мінімуму

• 29.10.2025, 15:20

Як зменяцца сумы дапамог.

Міністэрства працы і сацыяльнай абароны Беларусі анансавала планаванае павышэнне памеру бюджэту пражытковага мінімуму (БПМ) з 1 лістапада.

Паведамляецца, што ў сярэднім на душу насельніцтва паказчык павялічыцца на 0,7% — да Br491,09.

Варта адзначыць, што велічыня БПМ выкарыстоўваецца пры разліку шэрагу сацыяльных выплат, у тым ліку дзіцячых дапамог, даплат і надбавак пенсіянерам, дапамог па доглядзе за інвалідамі I групы або пажылымі людзьмі, а таксама сацыяльных пенсій.

Гэта чацвёрты пераразлік у 2025 годзе: са студзеня велічыня павялічылася на 12,2%.

Вось які бюджэт пражытковага мінімуму склаўся з 1 лістапада:

працаздольнае насельніцтва — Br524,97

пенсіянеры — Br357,28

дзеці да 3 гадоў — Br305,86

дзеці ад 3 да 6 гадоў — Br414,39

дзеці ад 6 да 18 гадоў — Br479,59.

Новыя лічбы будуць дзейнічаць да 31 студзеня 2026 года ўключна.

З 1 лістапада таксама павялічваюцца памеры дзяржаўных дапамог сем'ям, якія выхоўваюць дзяцей, што разлічваюцца на падставе БПМ.