У Беларусі расце колькасць злачынстваў, якія здзяйсняюцца мігрантамі

• 29.10.2025, 8:37

Афёра Лукашэнкі выходзіць бокам.

У Беларусі расце колькасць злачынстваў, учыненых замежнікамі. Пры гэтым мігрантаў, якія прыязджаюць працаваць, у краіне становіцца больш. Пра гэта на III Мінскай міжнароднай канферэнцыі па еўразійскай бяспецы 28 кастрычніка распавёў першы намеснік міністра ўнутраных спраў Юрый Назарэнка, паведамляе дзяржаўнае агенцтва БелТА.

На фоне прытоку мігрантаў у Беларусь адзначаецца павелічэнне на 17% улічаных злачынстваў, учыненых замежнікамі, іх удзельная вага ў параўнанні з аналагічным перыядам мінулага года павялічылася — да 3,4% у агульнай структуры злачыннасці.

Акрамя таго, Назарэнка адзначыў, што тэрыторыя Беларусі па-ранейшаму выкарыстоўваецца незаконнымі мігрантамі ў якасці транзітнага калідора на шляху ў краіны ЕС.