БПЛА атакавалі Маскву

• 29.10.2025, 9:17

Закрытыя аэрапорты Дамадзедава і Жукоўскі.

Маскву ў аўторак увечары, 28 кастрычніка, атакуюць беспілотнікі. У Мінабароны Расіі заяўляюць пра «збіццё» трох БПЛА на падступах да сталіцы.

Пра гэта таксама заявіў мэр Масквы Сяргей Сабянін. Паводле яго слоў, на месцы падзення абломкаў працуюць аператыўныя службы.

Прапагандысцкае агенцтва РІА Навіны напісала пра часовае прыпыненне працы аэрапортаў Дамадзедава і Жукоўскага. Пазней у Расавіяцыі заявілі пра аднаўленне працы аэрапорта Дамадзедава.

Пра атаку беспілотнікаў на Маскву Сабянін таксама заяўляў 27 кастрычніка. Ён сцвярджаў, што на падступах да горада былі «збітыя» два беспілотнікі.

Акрамя таго, гукі выбухаў чулі ў Раменскім і Бронніцах Маскоўскай вобласці. Тэлеграм-канал «Астярожна, Масква» пісаў, што на фоне атакі БПЛА часова закрывалі аэрапорт Жукоўскі.