Бацька Ямаля звярнуўся да «Рэала» пасля скандалу ў Эль-Класіка

• 27.10.2025, 20:50

Учора «Рэал» перамог «Барселону» ўпершыню за апошнія пяць узаемных матчаў.

Бацька вінгера «Барселоны» Ламіна Ямаля Аммунір Насруі стаў на абарону свайго сына пасля паразы каманды ў выездным матчы з «Рэалам» у Ла Лізе (1:2).

«Вам пашанцавала, што яму толькі 18 гадоў. Сустрэнемся ў Барселоне», — напісаў бацька Ламіна пасля матчу ў адной з сацыяльных сетак.

Нагадаем, перад матчам 18-гадовы Ламін апынуўся ў цэнтры скандалу з-за рэзкіх выказванняў на адрас «Рэала». Падчас гульні футбалісты мадрыдскага клуба спрабавалі прадэманстраваць сваё незадаволенне, імкнучыся «зачыніць рот» маладому гульцу проста на полі. Пасля фінальнага свістка паміж гульцамі адбыўся канфлікт, у якім Ямаль зноў апынуўся ў цэнтры ўвагі.