Частка Вільнюса раптоўна засталася без святла

• 27.10.2025, 16:16

Не працуюць святлафоры, без электрычнасці 20 тысяч дамоў.

Больш за 20 тысяч дамоў у Вільнюсе раніцай у панядзелак раптоўна засталіся без электразабеспячэння, паведамляе LRT.

Раніцай 27 кастрычніка ў некалькіх раёнах Вільнюса раптам знік святло, без электразабеспячэння засталося каля 21 тысячы жыхароў літоўскай сталіцы.

У прыватнасці, праблемы ўзніклі ў мікрараёнах Шэшкінэ, Пашылайчяй і Баёрай. Усе яны размешчаныя ў паўночна-заходняй частцы горада.

«Мы зафіксавалі знікненне электразабеспячэння прыблізна а 10:40 і хутка накіравалі рамонтныя брыгады», — паведаміла прэс-сакратарка аператара размеркавання электраэнергіі ESO.

З-за абясточвання таксама выключыліся святлафоры на 10 перакрыжаваннях.