Беларускія футбалісты сталі чэмпіёнамі Казахстана

• 26.10.2025, 18:04

«Кайрат» заваяваў тытул другі год запар.

«Кайрат» з Алматы другі раз запар стаў чэмпіёнам Казахстана па футболе, згуляўшы ўнічыю з «Астаной» (1:1) у матчы 26-га тура нацыянальнага першынства.

Госці адкрылі лік намаганнямі Томасава на 15-й хвіліне, аднак пасля перапынку Дастан Сатпаеў аднавіў раўнавагу. Нічыя дазволіла камандзе з Алматы захаваць перавагу ў два ачкі і аформіць чэмпіёнства.

У складзе «Кайрата» ўвесь матч правёў Аляксандр Мартынавіч, які выйшаў на поле з капітанскай павязкай. Яго суайчыннік Валеры Громыка правёў 64 хвіліны.

За «Астану» ўвесь матч правёў беларус Макс Эбонг, для якога срэбра чэмпіянату стала ўжо чацвёртым у кар’еры.