У Дзяржынскім раёне маршрутка з пасажырамі з’ехала ў кювет

• 26.10.2025, 16:08

Адзін чалавек шпіталізаваны.

У Дзяржынскім раёне 26 кастрычніка каля 08:30 адбылося дарожна-транспартнае здарэнне з удзелам маршрутнага таксі.

Паводле папярэдняй інфармацыі, 45‑гадовы кіроўца аўтобуса Mercedes‑Benz Sprinter, які рухаўся па маршруце Іванава — Мінск, адволікся на люстэрка задняга віду. У выніку ён з’ехаў на правую абочыну, наехаў на дарожны знак, пасля чаго з’ехаў у кювет.

На момант ДТЗ у маршрутцы знаходзіліся 13 пасажыраў. Пяцярых чалавек даставілі ў бальніцу для абследавання. У выніку аднаго пасажыра шпіталізавалі, а чацвярых адпусцілі пасля аказання медыцынскай дапамогі.