У Расіі заяўляюць, што HIMARS ударылі па Белгарадскім вадасховішчы

• 25.10.2025, 8:49

У выніку ўдараў ёсць пашкоджанні.

У Расіі заяўляюць, што ЗСУ нібыта атакавалі ракетамі HIMARS плаціну Белгарадскага вадасховішча. У выніку ўдараў ёсць пашкоджанні.

Пра гэта паведамляе РБК-Украіна са спасылкай на расійскі паблік у Telegram MNS.

«Паводле нашай інфармацыі, гідратэхнічнае збудаванне было атакавана трыма рэактыўнымі снарадамі HIMARS», — гаворыцца ў паведамленні.

Там таксама дадалі, што ў выніку прылёту пашкоджаныя некалькі будынкаў з тэхнічным абсталяваннем, пад'ёмныя механізмы аднаго з спускных шлюзаў і грэбень дамбы.

У той жа час адзначаецца, што пасля абследавання гідратэхнічнага аб'екта было ўстаноўлена, што цэласнасць плаціны Белгарадскага вадасховішча не парушаная.

«Пагрозы затаплення бліжэйшым населеным пунктам няма», — дадалі ў пабліку.

Таксама MNS сцвярджае, што з-за атакі нібыта пацярпелі два чалавекі. Адзін з іх — расгвардзеец.