Упершыню з 2022 года ў Расіі пачаліся сур’ёзныя праблемы

• 25.10.2025, 8:45

Санкцыі і адсутнасць сродкаў далі вынікі.

У РФ зафіксавалі спад у ваенна-прамысловым комплексе — галінах, якія доўгі час былі лакаматывам эканомікі, што адлюстроўваецца ў афіцыйнай статыстыцы РФ.

У верасні тэмпы росту вытворчасці ў галінах ВПК знізіліся да 0,4%, тады як у жніўні складалі 2,4%, піша РБК-Украіна.

Напрыклад, выпуск транспарту, уключаючы танкі і БМП, скараціўся з росту 61,2% у жніўні да 6% у верасні.

Аналітыкі тлумачаць гэта бюджэтнымі абмежаваннямі, якія прымушаюць урад скарачаць выдаткі на абаронныя заказы ў апошнім квартале года, што можа прывесці да пераахаладжэння эканомікі. Магчымым дадатковым ударам з’яўляюцца новыя санкцыі ЗША, якія ўскладняць продаж нафты ў Індыю.