У Дзяржынску прапала святло

• 23.10.2025, 22:35

Электрычнасць знікла і ў раёне.

У Дзяржынску і раёне адбыліся масавыя адключэнні электрычнасці. Як напісала «Мінская праўда», святло прапала на вуліцах Ціхай, Пратосава, Мінскай, а таксама ў Макавчыцах. Гэта практычна ўвесь горад.

Без электрычнасці засталіся:

• Раённая бальніца (генератары працуюць толькі ў рэанімацыі)

• Запраўка на выездзе ў бок Мінска — там поўны блэкаўт

• Шэраг вёсак у раёне

РЭС у Стоўбцах паведаміў, што спецыялісты ўжо пачалі ліквідаваць аварыю. Дакладную прычыну адключэння яшчэ высвятляюць. Паводле папярэдніх звестак, электразабеспячэнне адсутнічае з-за праблем на мінскіх падстанцыях і ЦЭЦ.