Трамп сустрэнецца з Сі Цзіньпінам

• 23.10.2025, 21:42

Сустрэча адбудзецца ў Паўднёвай Карэі.

Прэзідэнт ЗША Дональд Трамп сустрэнецца з лідарам Кітая Сі Цзіньпінам 30 кастрычніка — у межах свайго турнэ па краінах Азіі.

Пра гэта паведаміла на брыфінгу 23 кастрычніка прэс-сакратарка Белага дома Кэролайн Левітт.

«Раніцай па мясцовым часе ў чацвер, 30 кастрычніка, прэзідэнт Трамп возьме ўдзел у двухбаковай сустрэчы з лідарам КНР Сі, пасля чаго вернецца ў Вашынгтон», — сказала яна.

Акрамя таго, Левітт паведаміла журналістам, што прэзідэнт Трамп плануе адправіцца ў Малайзію позна ўвечары ў пятніцу, 23 кастрычніка, а затым наведае Паўднёвую Карэю, дзе, уласна, і сустрэнецца з Сі Цзіньпінам. У Паўднёвай Карэі на наступным тыдні адбудзецца саміт Азіяцка-Ціхаакіянскага эканамічнага супрацоўніцтва.

Гэта будзе першая асабістая сустрэча лідэраў з 2019 года.