Футбаліста лідара чэмпіянату Беларусі забралі ў армію

• 23.10.2025, 21:18

Яго прызвалі на тэрміновую ваенную службу.

Віцебскі «МЛ» на заключны адрэзак Вышэйшай лігі-2025 застаўся без паўабаронцы Альфрэда Мазурыча, які выступае за клуб на правах арэнды. Пра гэта інфармуе прэс-служба «Нёмана».

Футбаліст, правы на якога належаць гродзенскаму «Нёману», накіруецца ў армію — яго прызвалі на тэрміновую ваенную службу. У шэрагах Узброеных Сіл ён апынецца ў лістападзе.

У другой палове сезону Мазурыч выступаў за «МЛ». У складзе гэтай каманды ён правёў тры матчы чэмпіянату і адзначыўся адным забітым голам.