Кітайскія грузы ідуць міма Беларусі

• 23.10.2025, 20:42

Пекін запусціў «Палярны шлях».

Кітайскія экспарцёры значна скарацілі аб'ём перавозкі грузаў праз Беларусь. Усё сведчыць пра тое, што пасля шматдзённай блакады польска-беларускай мяжы ў верасні яны вырашылі выкарыстоўваць альтэрнатыўныя транзітныя маршруты.

Як высветліў журналіст RMF FM Кшыштаф Засада, звычайна праз чыгуначныя пераходы на польска-беларускай мяжы за два тыдні ў Польшчу паступала больш за 7 тысяч кантэйнераў.

Калі Польшча аднавіла транзіт, за два тыдні ўехалі менш за 5600 кантэйнераў. А за апошнія два тыдні — яшчэ менш, крыху больш за 4800 кантэйнераў.

Варта дадаць, што амаль тры чвэрці гэтага аб'ёму — гэта транспарт кітайскіх тавараў на Захад. Усё сведчыць пра тое, што кітайцы змянілі маршруты паставак свайго экспарту ў Еўропу. Яны запусцілі «Палярны шлях» — маршрут, які абыходзіць Расію з поўначы.

Нагадаем, Польшча закрывала мяжу з Беларуссю з 12 па 25 верасня.

Поўнае закрыццё было ўведзена ў ноч на 12 верасня 2025 года ў сувязі з расійска-беларускімі ваеннымі вучэннямі «Захад-2025».