У Мінску назіраюцца вялізныя заторы

• 23.10.2025, 19:24

Транспарт сур'ёзна спазняецца.

Увечары 23 кастрычніка ў Мінску фіксуюцца заторы, ускладнены рух грамадскага транспарту. Паведамлялася пра затрымкі аўтобусаў і тралейбусаў на 25 хвілін.

У ДАІ ўвечары паведамлялі пра тры ДТЗ, якія ствараюць праблемы, — у раёне 23-га км унутранага кальца МКАД ускладнены рух па кальцавой з боку вуліцы Ташкенцкай у напрамку вуліцы Казінца.

А з-за аварыі на Даўгабродскай ускладнены рух па гэтай вуліцы з боку Платонава ў напрамку Клумава.

Паведамляецца пра заторы на 10 балаў.