Украінскія лётчыкі-асы паказалі экстрэмальны палёт на МіГ-29

• 23.10.2025, 15:10

Відэафакт.

Украінскія лётчыкі працягваюць дэманстраваць выключнае майстэрства і мужнасць у небе. У сетцы з’явіліся кадры, як знішчальнік МіГ-29 пралятае на экстрэмальна нізкай вышыні, выконваючы надзвычай небяспечны манеўр.

На новым відэа, апублікаваным вядучымі канала «Соняшник», паказаны палёт лётчыка, меркавана з пазыўным West.

«Пабрацім West дэманструе вышэйшы клас у пілотаванні МіГ-29 на гранична малых вышынях», — гаворыцца ў паведамленні канала.

Знішчальнік літаральна «слізгае» над зямлёй, выконваючы палёт на вышыні менш за 200 метраў пры хуткасці звыш 1000 км/г, хоць гэта яшчэ не мяжа. Аднак у такіх умовах найменшая памылка ў пілотаванні можа каштаваць жыцця.

Знішчальнік МіГ-29 не вызначаецца ідэальнай аэрадынамічнай устойлівасцю, і на высокіх хуткасцях пілотам даводзіцца пастаянна карэктаваць крэн і тангаж, каб утрымліваць самалёт.

«Банальна не хапае ходу ручкі па тангажу, каб спыніць “заліванне” носа», — пішуць аглядальнікі.