Лукашэнка — шматдзетным сем'ям: Трэба капацца ў зямлі

• 23.10.2025, 15:00

Дыктатар запатрабаваў не пасяляць шматдзетных у Мінску і буйных гарадах.

Аляксандр Лукашэнка на нарадзе з кіраўніцтвам Савета міністраў 23 кастрычніка расказаў, дзе, на яго думку, павінны жыць шматдзетныя сем'і.

Лукашэнка запатрабаваў не канцэнтраваць іх выключна ў буйных гарадах, перадае БелТА.

«Мы пачалі будаваць жыллё ў Мінску, у зручных месцах, сцягваючы працоўную сілу ў гарады. Што мы робім? Навошта мы сцягваем шматдзетныя сем'і да Мінска?», — задаў дыктатар пытанне ўдзельнікам нарады.

Шматдзетным беларусам Лукашэнка прапанаваў выдзяляць не толькі кватэры ў шматпавярхоўках, але і прыватныя дамы з прысядзібнымі ўчасткамі, на якіх можна мець уласны агарод.

«Трэба капацца ў зямлі і нешта рабіць сваімі рукамі», — патлумачыў сваю думку дыктатар.