Партызаны паралізавалі чыгунку ў Чувашыі

• 23.10.2025, 8:58

Выведзены з ладу ключавыя аб’екты інфраструктуры.

Агенты руху «Атэш» паралізавалі чыгуначныя перавозкі акупантаў у Чувашыі.

Пра гэта паведамляе партызанскі рух «Атэш» у Telegram.

Партызаны руху «Атэш» правялі паспяховую дыверсію на стратэгічна важным чыгуначным ўчастку побач з населеным пунктам Мыслец Чувашскай Рэспублікі.

Адзін з удзельнікаў падполля вывеў з ладу ключавыя аб’екты інфраструктуры. У выніку быў часова заблакаваны рух ваенных эшалонаў у крытычна важным накірунку.

Гэты чыгуначны вузел важны для перакідкі ваенных вантажоў з заводаў Паволжжа і Урала, уключна з тэхнікай, боепрыпасамі і гаруча-змазачнымі матэрыяламі, адзначаецца ў паведамленні.

«Вывад яго з ладу паралізаваў лагістыку акупантаў, сарваў своечасовае забеспячэнне на фронт і прымусіў праціўніка перанакіроўваць вантажы праз больш працяглыя маршруты, што стварыла каскадныя збоі ў сістэме забеспячэння», — праінфармавалі члены руху.