У Белавежскай пушчы нашэсце аленяў

• 22.10.2025, 23:15

Відэафакт.

Анлайн-камеры ў Белавежскай пушчы зафіксавалі ўнушальны статак аленяў. Пра гэта паведамілі ў нацыянальным парку.

У аб'ектыве апынулася больш за паўсотні асобін.

Такая з'ява ў нацыянальным парку назіраецца даволі рэдка, аднак усяму ёсць тлумачэнні. Верагодна, збор жывёл звязаны з кармушкамі, размешчанымі якраз пад аб'ектывамі. Пасля ж усталявання халадоў на тэрыторыі пушчы алені актыўна мігруюць у пошуках ежы.