Украінскія беспілотнікі атакавалі завод у прыгарадзе Чалябінска

• 22.10.2025, 22:45

У горадзе чуваць выбухі.

Расійскі Чалябінск, размешчаны на Ўрале, быў атакаваны беспілотнікамі, паведамляе ASTRA.

Паводле дадзеных відавочцаў, адзін з выбухаў адбыўся ў прыгарадзе Чалябінска, у раёне завода «Пластмасс» у Капейску. Гэта прадпрыемства спецыялізуецца на вытворчасці зброі і боепрыпасаў.

У Чалябінску пасля выбуху на прадпрыемстве абвясцілі пагрозу БПЛА.

Нагадаем, у аўторак, 21 кастрычніка, Сілы абароны Украіны паразілі ракетамі Бранскі хімічны завод.