У Стаўрапалі каля расійскай ваеннай часці адбыўся выбух

• 22.10.2025, 22:23

Нібыта выбухоўку заклалі ў дзіцячую каляску.

У горадзе Стаўрапалі на поўдні Расіі каля ваеннай часці прагрымеў выбух. Там маглі падарваць выбухоўку.

Пра гэта паведамляе Astra.

Паводле неафіцыйнай інфармацыі, выбух прагрымеў на аўтобусным прыпынку, які знаходзіцца побач з месцам дыслакацыі 247-га гвардзейскага дэсантна-штурмавога палка.

Нібыта выбухоўку заклалі ў дзіцячую каляску. У выніку інцыдэнту жанчына атрымала аскепкавыя раненні, ёй аказвалі медыцынскую дапамогу.

Пры гэтым месца здарэння ачапілі расійскія праваахоўнікі.