У Лізе чэмпіёнаў адбылося самае хуткае выдаленне ў гісторыі турніру

• 21.10.2025, 23:15

Ужо на трэцяй секундзе.

Партугальскі абаронца кіпрскага «Пафаса» Жуан Карэйя атрымаў самае хуткае выдаленне ў гісторыі Лігі чэмпіёнаў.

29-гадовы футбаліст выйшаў на поле ў стартавым складзе на выязны матч супраць казахстанскага «Кайрата».

Ужо на трэцяй секундзе чацвёртай хвіліны Карэйя трапіў нагой у твар свайму суайчынніку з «Кайрата» Луісу Мату, за што атрымаў ад арбітра прамую чырвоную картку.

Гэта самае хуткае выдаленне ў гісторыі Лігі чэмпіёнаў.

Матч скончыўся з лікам 0:0. Адзначым, што за «Кайрат» гуляюць два беларусы — Аляксандр Марцыновіч і Валерый Грамыка.