«Беларусбанк» уводзіць новыя абмежаванні для кліентаў

• 21.10.2025, 13:04

Установа патлумачыла, якіх аперацый яны не датычацца.

«Беларусбанк» зрабіў удакладненні адносна абмежаванняў, якія ўвядзе з 24 лістапада па некаторых аперацыях з карткамі.

Адзначым, што «Беларусбанк» з 4 жніўня гэтага года ўвёў ліміты на зняцце наяўных праз токены: да 600 рублёў у суткі для картак клуба «Бархат», а па астатнім «пластыку» — да 1000 рублёў. З 24 лістапада гэтыя ліміты будуць распаўсюджвацца на любое бескантактавае зняцце наяўных.

Цяпер банк зрабіў удакладненне адносна запланаваных змяненняў.

«Указаныя абмежаванні не распаўсюджваюцца на аперацыі па зняцці наяўных, якія выконваюцца з фізічным выкарыстаннем карткі ў банкаматах на тэрыторыі Беларусі і за яе межамі», — паведамляе фінансавая ўстанова.