Еўрасаюз паабяцаў забяспечыць Украіне «тэхнічную перавагу» на полі бою

• 2.10.2025, 21:11

Для гэтага Еўрасаюз запусціць новую праграму.

Кіраўнікі Еўракамісіі і Еўрасавета Урсула фон дэр Ляен і Антоніу Кошта на сваіх старонках у сацыяльнай сетцы X паабяцалі украінскаму лідару Уладзіміру Зяленскаму забяспечыць Кіеву «тэхнічную перавагу» ў вайне з РФ.

«Хутка мы запусцім новую праграму, якая забяспечыць Украіне тэхнічную перавагу на полі бою», — напісалі еўрачыноўнікі.

Пры гэтым фон дэр Ляен і Кошта падкрэслілі, што Еўрасаюз (ЕС) і яго партнёры маюць волю, а таксама рэсурсы для працягу падтрымкі Украіны да дасягнення справядлівага і трывалага міру.