Новы самы багаты чалавек у свеце

• Пётр Чарнышоў
• 2.10.2025, 16:52

І гэта не Ілан Маск.

Чытаю навіны — і раптам: Ілан больш не першы багацей свету. Цяпер самы багаты чалавек у свеце — Лэры Элісан.

Яму 81 год, ягоны капітал — $393 млрд. Чалавек, які не будуе ракеты, не піша твіты і не вядзе шоу, а проста валодае 40% Oracle. А Oracle якраз падпісала кантракты на $455 млрд, уключаючы OpenAI, — і яе акцыі ўзляцелі на 40%. Гэта найбуйнейшы рост з 1992 года. Ну а калі ў цябе 40% кампаніі — ты або дзяржава, або Элісан.

Гэта не метафара. Гэта амбіцыйны праект Stargate ад OpenAI, Oracle і SoftBank коштам да $500 млрд — сетка гіганцкіх дата-цэнтраў для ШІ, пераважна ў Тэхасе і іншых штатах ЗША. Першая фаза ў Абілін, Тэхас, ужо запушчана: 843 акры зямлі (341 гектар), $40 млрд на GPU Nvidia (100 000 чыпаў), магутнасць да 1,4 ГВт, больш за 6000 будаўнікоў, 1700 пастаянных месцаў. У тыповым серверы GB200 NVL72 — 72 суперчыпы Nvidia GB200 па $60–70 тыс. кожны (даражэй за Tesla Model 3 ад $42 тыс.).

Агульны план: 10 ГВт магутнасці ($500 млрд інвестыцый) — гэта прыкладна 2,5 ВУП Украіны, размеркаваныя па штатах з фокусам на Тэхас. У верасні 2025 года абвясцілі пра пяць новых пляцовак, наблізіўшыся да 7 ГВт.

І пакуль гэтыя дата-цэнтры растуць з тэхаскага пылу, Элісан паралельна купляе сабе месца ў будучым Оксфардзе. У 2023—2024 ён:

— адкрыў Ellison Institute of Technology — кампус плошчай 300 000 м², які каштаваў £1,3 млрд; дызайн ад Нормана Фостэра — гэта легендарны брытанскі архітэктар, ён праектаваў Apple Park і лёнданскі небаскроб 30 St Mary Axe;

— набыў штаб-кватэру ў Лондане за £162 млн;

— штогод фінансуе 20 поўных стыпендый для студэнтаў Оксфарда;

— інвестуе $153 млн у вакцыны, клімат і ШІ;

— і нават выкупіў паб Eagle and Child, дзе калісьці сядзелі Толкін і К. С. Льюіс — цяпер гэта будзе цэнтр для навукоўцаў і стартапераў.

На гэтым не спыніўся. Праз сына Дэвіда ён выкупіў Paramount, нацэліўся на Warner Bros. Discovery, аб’ядноўвае HBO Max + Paramount+, палюе на медыястартапы. І нават TikTok — Трамп ужо сказаў: «Я б хацеў, каб Лэры гэта купіў», і вось Лэры ўжо ўзначальвае кансорцыум, які купляе амерыканскі падраздзел TikTok за $14 млрд. Усе пішуць, што гэта супертанна — а мая канапа кажа, што трэба сябраваць з Трампам.

яшчэ цікавыя факты пра Элісана, ён выдзяліў:

— $800 млн — на дабрачыннасць;

— $200 млн — на анкалагічны цэнтр;

— $375 млн — на фонд Тоні Блэра;

— быў у шасці шлюбах, валодае яхтай з баскетбольнай пляцоўкай, займаецца бодысёрфінгам, аплачваў асабісты палёт на знішчальніках разам з сынам;

— і ўклаў сотні мільёнаў у даследаванні старэння — таму што смерць для яго — «дурны канцэпт».

Дарэчы, Лэры — яўрэй, і не проста па паходжанні. Ён адкрыта падтрымлівае Ізраіль, укладвае мільёны ў медыцыну, даследаванні старэння і анкалогію. Як сапраўдны яўрэй, сур’ёзна настроіўся жыць да 120 — і бюджэты на гэта ў яго адпаведныя. Не проста багаты, а яшчэ і з планам.

Ён не проста хоча быць самым багатым. Ён хоча як мага даўжэй заставацца самым багатым. І, падаецца, у яго ёсць план. А я тым часам плачу за інтэрнэт, гляджу на роутар — і думаю, колькі там ватаў? Можа, таксама нешта пабудаваць. Хоць маленькі Stargate на балконе.

Пётр Чарнышоў, Facebook